一島一resort, 365日玩不盡

要享受杳無人煙嘅隱世生活,而家唔係咁容易架喇!馬爾代夫、沙巴 、 峇里 、布吉等,呢啲旅遊勝地,要享受嘅唔再係海洋,而係要頂得住人浪。
斐濟位於南太平洋,全國擁有三百個大大細細嘅島嶼,全天候陽光普照,夏天感覺。近年積極開發旅遊,其小島大多人跡罕至、寧靜自在,正如麥太話齋:「椰林樹影,水清沙幼,呢啲先係真正嘅人間天堂!」斐濟有好多小島,嚟呢度旅行,會不斷發現新驚喜。玩到攰當然要休息下,儲番啲能量,再戰下一島,所以搵間度假村叉番電先係黃道,喺斐濟嘅小島上,有好多島上渡假村都有唔同嘅特色賣點,滿足不同遊客嘅需求。今次人人去旅行就同大家探索斐濟小島嘅獨特之處啦!4

 

小島水世界

斐濟擁有三百多個大大小小海島,珊瑚礁更係僅僅排喺澳洲大堡礁之後,小島化身成為水上樂園,真係「撻」一下咁易,讓遊客體驗新奇動感嘅水世界。斐濟全年都充滿住夏日氣息,海灘靚、空氣好,自然就係玩水勝地啦!

如果你喜歡刺激,小島嘅度假村都有快艇、滑翔傘、噴射式滑水橇、衝浪板等,任君選擇。飛濺嘅水花,從高空衝落黎嘅緊張刺激,係咪未出發先興奮?

如果喜歡海底世界,大多渡假村都設有潛水店,齊全嘅潛水裝備讓你隨時都可以親親海洋,同魚群結伴同游。斐濟擁有超過1000種魚類同幾百種海綿動物架,珊瑚礁之多,令呢個地方享有世界軟珊瑚之都嘅美名。好彩的話,你甚至可以喺度同鯊魚影張相集下郵。唔識潛水都唔緊要,因為有器材出租外,潛水教練隨時候命。

如果你對海洋有誤解,斐濟將會改變你對海洋嘅諗法。零雜質嘅海水、色彩繽紛嘅海洋生物、和暖嘅溫度,再加上微微嘅涼風,叫人點樣抗拒先?

1

3

9

4_0

 

 

異國婚禮 小島浪漫滿屋

好多酒店,度假村都附設婚禮服務,呢度遠離煩囂,世界好似得返另一半同自己咁…呢種浪漫,係其他熱門結婚聖地俾唔到架!酒店方面可以幫你安排一場斐濟式獨有婚禮,你可以著上傳統服裝,日落時,沙灘上,聽住充滿異國情懷嘅斐濟情歌行禮,又或者揀間小教堂舉行一場莊嚴嘅婚禮,向著南太平洋,說一句:「I do!」呢種山盟海誓,海枯石爛,斐濟俾你嘅唔只是愛咁簡單!行禮後,旅館都精心為情侶們設計一座座隱閉嘅蜜月小屋,築起愛侶嘅二人世界,從呢刻開始,呢個世界就只有你同佢!在斐濟中心呼喚愛。

2

8

IMG_3824

IMG_4247

 

 

暢玩家庭樂園 小魔怪的天堂

二人世界過後,小魔怪成員出現都係平常事,斐濟有其他小島旅度假村以家庭樂作為主題,歡迎一家大細。全年全天候嘅暑期班,係斐濟最大嘅賣點,大人小朋友跟住導師,利用斐濟嘅天然材料編成獨一無二嘅手作仔!到咗椰子成熟時,酒店員工又會化身椰子俠,爬到十米高嘅樹上摘椰子,手起刀落,呢個時候小魔怪們就會好興奮咁一擁而上,一齊享用清甜而帶有「七喜味」嘅椰青汁。唔好以為一日會咁樣完結,晚飯之後,酒店又會安排斐濟傳統民族舞蹈表演,呢刻大小魔怪,傾巢而出,一齊玩一齊癲一齊跳。

IMG_4397

IMG_4415

IMG_4052

IMG_4054

 

 

小島度假風情 X 生態島嶼遊

環保旅遊係旅行新概念,環境保育做到一等一之外,一啲生態旅遊仲俾旅客去體驗熱帶雨林嘅生活,都係斐濟近期新興旅遊活動之一。需知道斐濟嘅物種多樣性都好豐富,而斐濟嘅植物超過2600種,鳥類動物都有120種,奪目多彩,真係睇都睇到眼唔眨!度假村會安排導遊帶你遊走紅樹林、河川同叢林,好彩嘅話有機會會見到啲特別嘅動植物,例如蒼鷺(heron)、冠狀鳳頭鬣蜥(crested iguna) ,仲有好多斐濟獨有嘅野生品種。

IMG_4667

5

6

7

 

試想想一島一resort,一resort有一個主題,斐濟有三百多個島,一年365日都玩唔晒,斐濟總會為您帶黎新驚喜。

官網:www.fijiairways.com

Fiji Airways 斐濟航空

擁有60多年歷史的斐濟航空,是斐濟國營航空,也是南太平洋最主要的航空公司,主要提供往來於太平洋地區、北美洲和香港的航班。每周提供三班從香港直飛斐濟南迪,採用最新的A330空中巴士,帶您直闖南太平洋的天堂!

嗚謝:斐濟旅遊局

http://www.fiji.travel/

Related posts