斐濟饗宴 吃一口地道食材

民以食為先,從食材、煮理方法,以至用餐方式,都可以了解呢個地方特性,生活文化等等;斐濟獨特嘅地理位置,加上南太平洋多元文化嘅飲食色彩,令呢個地方好味到不得了!斐濟屬於熱帶雨林地區,雨水充沛,海水純淨,孕育咗新鮮肥美嘅海產同農作物,當地人當然就地取材,有山食山,有海自然食海!斐濟人好鍾意將異國美食同自己地方嘅食物原材料結合,再加上斐濟係一個多元文化國家,喺呢度都唔難搵到不同地方美食,製作出一款又一款嘅混合菜式。

Wicked Walu seafood restaurantevening 429_

 

靠海食海 食盡海鮮燒烤

斐濟四面環海,水產豐富,鮮甜之外價錢又大眾化。本地人日日都食海鮮,仲有一種好特別嘅食法,就係斐濟式嘅BBQ (Tatavu)喇!海鮮會直接放在木炭上面燒,然後再加上辣椒等香料、撈埋椰子番茄嘅混合醬料同木薯,真係離遠都聞到好香嘅鮮肉味。斐濟人好鍾意同人分享食物,煮好左嘅海鮮會用竹葉墊住放喺地面,然後邀請客人一齊開餐,大家喺沙灘上席地而坐,一邊食海鮮一邊開心share斐濟同埋其他國家嘅小故事,又喺沙灘上睇日落,情侶有情侶嘅浪漫,大夥兒又有大夥兒嘻嘻哈哈,呢度嘅氣氛令你可以放鬆落嚟,享受異國風情嘅海鮮燒烤樂趣。

shutterstock_142167508 shutterstock_150603950 IMG_5828 IMG_5966

雜果沙律 防癌新食法

熱帶地區嘅水果當然係鮮甜多汁,斐濟人都好常用呢度嘅水果製作成雜果沙律,酸酸甜甜咁好醒胃。佢地好鍾意加啲杏仁落去,咁杏仁係斐濟嘅特產嚟嘅,喺呢度可以食到好上乘嘅杏仁,加上杏仁有防癌嘅作用,所以斐濟又有「無癌的國家」呢個稱號。雜果沙律製作方法好簡單,只要將杏仁搞碎同埋將所有水果蔬菜砌碎,再加調味料例如係檸檬汁、沙律醬就搞掂啦。

salad Kokoda cuisine_fruit_salad

挑戰零酒精的酒

斐濟有種好出名嘅傳統飲品叫卡瓦(Kava),未飲過唔好話俾人聽你去過斐濟!呢種飲品奇就奇在佢冇任何酒精成分,但係會飲醉!各位好酒人士又有一新挑戰啦。佢有一種好強勁既辛辣味,飲起嚟舌頭會有一種麻痺感,第一次飲嘅人可能會唔慣,但飲落有舒緩神經嘅作用,仲好養顏呢!卡瓦係由當地嘅胡椒樹根製成,首先將樹根曬乾,切成小塊,再細心咁磨成粉末,調入適量嘅清水,咁就做好啦!斐濟大大小小嘅慶典都會見到佢,聚會儀式上象徵與神明溝通,到咗今時今日,更加成為一種十分普遍嘅社交方式,通常都係族群裡面地位高啲嘅人飲先,男人飲完先到女人;而有遊客或者朋友到訪,請你飲杯卡瓦表示歡迎嘅意思,飲完,你就係部族裡面嘅一分子,下次到斐濟記得嚟一杯飲勝嘅!

IMG_4446 shutterstock_173967167 IMG_4416

 

異國風味異國尋

唔講唔知,斐濟有38%人口都係印度人,因為斐濟同印度曾經都係英國嘅殖民地,有好多印度人都走左過嚟斐濟工作同定居。所以,喺斐濟都唔難搵到啲有特式嘅印度餐館,斐濟人好鍾意將自家新鮮椰子同印度菜餚大玩mix and match,溝埋出嚟嘅菜式都係好好食好特別!
除此之外,華人同斐濟都好有淵源,華人移民到斐濟都有150年歷史,所以斐濟同中國外交關係良好,仲俾咗中國同香港居民免簽證。華人移民過嚟斐濟嘅人數不斷增加,中式餐館都越開越多,去到斐濟要食到家鄉美食話都冇咁易啦 !Yummy!

Indo Fijian Goat  7720947_132302389142_2

 

DSC_5599_5431

fiji-food

講咗咁耐,其實都係去過斐濟先知有幾好食,快啲plan下行程幾時去啦。

 

官網:www.fijiairways.com

 

Fiji Airways 斐濟航空

 

擁有60多年歷史的斐濟航空,是斐濟國營航空,也是南太平洋最主要的航空公司,主要提供往來於太平洋地區、北美洲和香港的航班。每周提供三班從香港直飛斐濟南迪,採用最新的A330空中巴士,帶您直闖南太平洋的天堂!

 

鳴謝:斐濟旅遊局

 

http://www.fiji.travel/

 

Related posts